بسم الله الرحمن الرحيم
احب اوجه كلامي ده لكل مهندس يرغب في السفر .. عشان مايشوف اللي انا شوفته ولا يجرب التجربه المره ديه ... شركة سفريات زي اي شركه كلمني منها الاستاذ (هشام عبد الرحمن البكش ) اللي حاطط الاعلان ده واعلاناته منتشره علي النت كله وقاللي احنا عندنا فرصة سفر ليك يابشمهندس كويسه جدا والناس هناك محترمه جدا وانا اخترتك انت عشان احنا بلديات وقليوبيه واحده وقلت اخدمك .. وانا طبعا لان ده اول سفر ليا كان يهمني جدا ان الناس تكون محترمه وصادقه في كلامها .. والاتفاق كان علي اني مهندس مدني تخصص استيل هنزل في مصنع استيل وسكن محترم وناس كويسه .. رحت هناك لقيتها ورشة حداده زي اللي في مصر هنا .. وسكني في مكتب الشركه ولا فيه خط موبايل ولا فيه اي حاجه من الاتفاقات مع اللي اسمه هشام ده .. طلبت من الكفيل المحترم طبعا زي ما استاذ هشام كان بيقول اني انزل عشان والدي تعبان ... اعد يجيبني يمين وشمال وكلم استاذ هشام واتفقوا عليا الاتنين وفي الاخر نزلني بعد مااخد مني 1000 ريال .. وده كان بعد 8 ايام يعني هو مااتكلفش معايا اي حاجه عشان ياخدها ولا حتي السكن .. انا كنت اعد في مكتب الشركه ... والاستاذ هشام ده واخد مني 5500 جنيه ده غير الفكه .. واحد زي ده ياجماعه مايهمهوش اي حاجه في الدنيا غير كلمتين كويسين يتقالوا للمهندس ( الضحيه ) وياخد منه القرشين وياكل ولاده بيهم ( فلوس حرام ) .. اما المهندس ده او الدكتور او العامل يحصلوا ايه هناك ولا يهمه .. الشركه ديه اسمها المثاليه عنوانها 22 شارع دار الصناعه . الروضه . القاهره وديه ارقامهم 0101074100 . 0108740304 .. واتضح مؤخرا طبعا ان (هشام عبد الرحمن البكش ) وده اسمه كامل وده شغال في الشركه ديه كمندوب وخلاص يجيب العرض ويجيب الضحيه وهما ياخدوا نسبه لانه مش عايز غير مكان يسبك فيه العمليه .. وديه ارقام هشام ده 0127931418 .. 0166694033 وديه ايميلاتهh_elbeksh************************.com ...
mycvby******************.com ...
my_cv2008************************.com .. وده رقمي 0104494234