|
|| أجعلنا الصفحة الرئيسية || أضفنا للمفضلة || |
|
|||||||
| الهندسة المدنية - Civil Engineering الهندسة المدنية،استشارات - هندسة الطرق - مساحة - Structural - Geotechnical - Construction - Materials |
 |
|
|
LinkBack | أدوات الموضوع |
|
|| أجعلنا الصفحة الرئيسية || أضفنا للمفضلة || |
|
|||||||
| الهندسة المدنية - Civil Engineering الهندسة المدنية،استشارات - هندسة الطرق - مساحة - Structural - Geotechnical - Construction - Materials |
|
|
|
LinkBack | أدوات الموضوع |
16-12-2009, 01:13
|
#1 |
|
مهندس مجتهد
 تاريخ التسجيل: 12 2009
المشاركات: 401
شكراً: 0
تم شكره 2 مرة في 2 مشاركة
 |
تقدر تصد البحر؟غريبه مش كده..بس الهولنديين عملوها...بالفيديو
 موضوع شيق أسيبكوا تستمتعوا بيه تعرف تصد البحر ؟؟؟؟؟؟؟؟ الهولنديين عملوها هولندا اكيد كلنا عارفينها ماركو فامباستن و فان نيستلروى و ديفيد بيركامب و غيرهم كتيييييييير في منتخب هولندا لكرة القدم ويمكن ناس تانية تعرفها من همام في امستردام ويا موتوسيكلاتك يا هولندا بس النهارده هنعرف هولندا من زاوية تانية خااااااااااالص جانب مختلف تمام عن ما شفنا قبل كده او حتى سمعنا تعالو سوا ناخد القصة من البداية البداااااية كانت في سواحل هولندا هولندا ........ واحدة من أغنى دول أوروبا ......... بس للأسف الحلو ميكملش الفيضانات كانت بتحصد عشرات الآلاف من الأرواح و آلاف الكيلومترات المربعة كل موسم بس كانت فيضانات من نوع خاص ........... فيضانات من المياه المالحة اللى جاية من سواحل هولندا اللى بتطل على بحر الشمال بس الهولنديين كان لازم يردو بس خلى بالك دول مش بيردو عالبشر ...... دول بيردو على قوى الطبيعة طبعا كلنا مؤمنين بالله و عارفين ان لا راد لقضاء الله ، ولا معقب لحكمه، ولا غالب لأمره بس مننساش ان الأخذ بالأسباب أولى خطوات النصر وهم هنا كانو بياخدو بالأسباب ( ومن عدل ربنا ان اللى بيشتغل ويتعب ربنا بيديلو وان كان على غير ملة الاسلام او حتى بدون أى دين على الإطلاق تقديرا من ربنا عز وجل لقيمة العمل و السعي فيه ) نرجع لموضوعنا و نقول انهم ردوا على قوى الطبيعة طب عملو ايه ؟؟؟؟؟؟؟ صممو حائط ضخخخخخخخخم يصد مية البحر عن اراضي بلدهم الحائط ده كان لو اتنفذ هيكون أضخم و أعقد و أقوى مصد للفيضانات في العااااالم تعالو نتابع خطوة بخطوة الموضوع جه ازاى و كانت ايه بالتفصيل دواعى انشاء نظام الصد العملاق ده هنقول تفاصيل هولندا كبلد و بعدين ندخل عالنواحى الهندسية شوية بشوية هولندا بلد كثافتها السكانية عالية جدا و كمان هى تالت أكبر مصدر زراعى في العالم و عشان كده الاراضي هناك ليها قيمتها عندهم أكبر ميناء في العالم وهو ميناء روتردام خليتهم يتحطو على خريطة العالم الملاحية و مع كل ده فالهولنديين عايشين حياتهم زى ما بنقول كده على حافة الجبل ( مش كمكان قصدي كاستراتيجية انهم في لحظة ممكن يبقو ماضي ) وده راجع لأن حوالى ربع هولندا واقع تحت منسوب سطح البحر يعنى لو ربنا قدر و البحر عدى المصد اللى عالساحل ربع هولندا هيبقي جزء من قاع بحر الشمال و لقرون كتييييير الهولنديين كانو عايشين في حالة حرب من البحر عشان يبعدوها عن اراضيهم وعشان تكمل بقي المناخ العالمى بيتغير و نتيجة للتغير ده فشوية من جليد القطبين بيسيح و لما ده يحصل اكيد مناسيب المية في البحار و المحيطات بتعلى و ده معناه انها هتطغى على شوية أراضي من السواحل و نتيجة لده فبقت هولندا أكتر دول اوروبا معرضة لطغيان البحر عليها للأسباب اللى قلناها فوق ( معلمة جانبية : مصر كمان 50 سنة مش هيكون فيها دلتا و شاطئ البحر المتوسط هيكون في مدينة : طنطا ) و جت الفكرة للهولنديين انهم يحطو سلسلة من الحواجز العملاقة على سواحلهم عشان تصد البحر عنهم وطبعا الموضوع هيبقي كبير اوى اوى عشان يسوّرو ( يحطو سور ) حوالين البلد كلها اللى تقريبا نص محيطها سواحل لدرجة ان طول الحاجز ده هيكون 3500 كيلومتر يعنى اكتر من ضعف طول سور الصين العظيم و المشروع ده كان فيه عناصر كتير هتكون متوفرة في الحائط ده نقول منها : البلوكات الضخمة السوليد اللى هتكون المكون الرئيسي و بوابات من نوع سلويز slues gate ( طبعا سنة تانية وتالتة عارفينها من الفلويد واللى في اولى بإذن الله هيعرف النوع ده من البوابات كمنشأ مائي في السنين اللى جاية بإذن الله ) و كمان النظام الأقوى للحماية من البحر المتمثل في ال braces او اللينكات اللى لما تتوصل مع بعض تبقي عاملة زى الtruss كده بس مش بستخدمو في التحميل لأ بيبقي كدعامات للحائط لامتصاص الأحمال اللى هتقع عليه من البحر و من العواصف كمان اللى بتحصل مسببة الفيضانات و بكل ده طبعا هيكون اعقد مصد بحرى اتبنى على الاطلاق نيجي بقي للجوانب الهندسية : كل بوابة في اللى قلناهم دول لو وقفت بالطول هتكون بطول برج ايفل ( ضخامة محصلتش طبعا دى ولا بوابة موردور في lord of the rings ) و البوابات دى بتكون مفتوحة عشان الملاحة طبعا طول السنة و لحد لما الكومبيوتر يدي اشارة الخطر باقتراب عاصفة هتسبب فيضان او اى حالة عدم استقرار في البحر تروح البوابات دى واللى مصنوعة من 15000 طن من الحديد تضم على بعضها وتقفل كمصد في وش البحر يحول دون إغراق السواحل الهولندية و لو مكانش المشروع ده حصل كان بكل بساطة دلوقتى ( مفيش هولندا ) زمااااااااان الهولنديين كانو عايشين في حالة رعب دائم من الفيضان دايما حاجاتهم جاهزة للهروب بأقصي سرعة دايما جاهز انو يسمع ان حد من قرايبو مات في الفيضان كانت عيشة بائسة طبعا و معانا راجل بيحكي عن حادثة وفاة جدتو في الفيضان لما البيت بتاعها اتهد فوقها و معرفتش تخرج منو و ماتت و عشان كده متستغربش لما تسمع ان الحكومة الهولندية صرفت 2.5 تريليون دولار ( التريليون = مليون مليون = ألف مليار ) على الحماية من الفيضانات بس لحد امتى هيقدرو يصدو البحر ؟؟؟؟؟؟؟؟ معانا راجل تانى بيتكلم عن وضع القرية بتاعتو بيقول ان بيتو من دروين ولو حصل فيضان بيتو مش هيبان منو حاجة فوق سطح المية و هيتغطى بالكاااااااامل وهنا تيجي اسوأ نقطة ان البحر منسوبو بيزيد باستمرار ومش عارفين هيقف امتى لحد دلوقتى فعلا الحائط واقف بس باستمرار الموضوع بيكون في صالح البحر و الطبيعة لانو مع مرور الوقت بيعلى و بيكون أقدر على تخطى الحاجز الهولندى يعنى المعركة بين الهولنديين و البحر لسه مخلصتش ومش هتخلص دلوقتى خاااااااااالص ومن قرون كتير فاتت كانت وسيلة الاوروبيين لإبعاد مية البحر هي انهم يبنو طواحين هوا تولد كهربا يدورو بيها مضخات تضخ المية بعيد عن اراضيهم و بالطريقة دى كونو تقسيمات المزارع الهولندية و بنفس الفكرة بس بطريقة عكسية ان لما البحر يطغى على الأرض شوية شوية يخليها من منطقة ساحلية و بعدين يخليها منطقة مغمورة بس ميتها ضحلة وبعد كده منطقة مغمورة بالكامل بمياه عميقة لما نيجي نعكسها نلاقيهم انهم ابتدو ينشفو الاراضي دى شوية بشوية فخلوها من منطقة مغمورة لمنطقة مياهها ضحلة لمنطقة جافة تماااااما يعنى الهولنديين ( أوجدو ) هولندا ....... عملوها بايديهم و عاشوا فيها و بنهاية القرن ال 19 كانت 10000 طاحونة هوا واقفة بتستصلح أراضي جديدة كل يوم في هولندا و النهارده بقي عايش 16 مليون نسمة في هولندا اللى مساحتها أقل من ضعف مساحة نيوجيرسي في أمريكا و عايشين على أراضي تعتبر من أخصب الأراضي على وجه الأرض و أكثرها انتاجية زراعية تعالو نشوف لو هولندا غرقت بمياه البحر العالم هيتأثر ازاى ؟ اكتر من 20 مليوووووووووون وردة يوميا بيتم تصديرهم مش هيتصدرو و اللى يضحك في الموضوع ان اكتر من 80 % من الورد ده زراعة منزلية يعنى الناس في بيوتهم بيطلعو كل يوم أكتر من 16 مليووووووووون وردة ( عالم رايقة وربنا ) هتقولى وده كلام تقولو برضو ؟؟؟؟؟ ورد ؟؟؟؟؟؟؟؟؟؟؟ هقولك الورد اللى مش عاجبك ده في بورصة وول ستريت بيجيب يوميا ملياااااار دولاااااار و نفس الحوار على محاصيل كتييييييير لان اتوفرلها كل حاااااجة : تربة خصبة بطريقة غير طبيعية و مية ري بتوصل بأحدث الأساليب و رعاية و تكنولوجيا فائقة من المزارعين كل ده خلى البلد المحندقة اللى متر في متر دى تبقي تااااااالت أكبر دولة زراعية مصدرة في العالم و تملك أكبر و اكتر ميناء مشغول في العالم وهو ميناء روتردام زى ما قلنا فوق و لكن يبقي الرعب في قلوب الهولنديين عشان عارفين ان أرضهم هى أرض مغتصبة من البحر و انو بيحارب عشان يسترجعها و عشان تكمل بقي الطبيعة بتتضافر ضدهم بشكل غريب زى ما عرفنا البحر بيهجم هجمات متفرقة و مكثفة كل موسم على حوائط الصد بتاعتهم على السواحل فالأرض الهولندية نفسها بتحن للبحر فبتهبط لتحت اكتر واكتر من 100 سنة كان البحر لو غرق الأرض يكفي لإغراق منزل من دورين دلوقتى اختلاف منسوب الأرض تحت منسوب سطح البحر زاد 50 سم و ده حصل نتيجة لأن الأرض زى ما قلنا كانت بحر في يوم من الايام فلما بتجففها طبيعي بتصغر ( بتكش ) فالكشة دى بتبقي للحاجة الطولية انها بتقصر انما للحجوم زى الارض فهى بتكش من كل الاتجاهات فتلاقيها بتلم على بعضها كده فبتقصر كمسافة على السطح و بتقصر كمنسوب رأسي يعنى بمعنى آخر بتغطس لتحت وده اللى حصل فعلا وخلاها تهبط نص متر في القرن العشرين و رغم ان المياة المالحة مشبعاهم مشاكل بس لسه زى ما اتعودنا مع المشاريع اللى بنقابلها ان المشاكل بتكون بزيادة كمان المية العذبة حبت تشارك في وضع المصايب على دماغ الهولنديين فيه في هولندا 5000 كيلومتر من الانهار و القنوات المائية لاستيعاب المية العذبة و توصيلها للمزارع ولكن المناخ بيقول ان المية اللى هتيجي من المطر و الانهار هتزيد عن القدرة الاستيعابية للشبكة دى و هيبقي الرمى في البحر أكتر فمنسوبو هيزيد اكتر ( وهى اصلا مش ناقصة ) فنتيجة لده هتحصل ........... انهيارات يناير 1995 و فترة مطر طويييييييييييلة على كللللل اوروبا و مع أول فبراير كانت النتيجة هاى إجلاء ربع مليون نسمة و 300000 راس مواشي و مليون خنزير من اماكنهم مش بس كانت كارثة على الهولنديين انهم معندهمش و مفيش اساسا تأمين ضد الفيضان ( اى شركة هتعملها اكيد هتخسر ) كمان بقي عندهم يقين ان مفيش حاجة تقدر تصد عنهم مية الفيضان و بقت الحياة مهددة طول الوقت و عشان كده استنفرو كل جهودهم و طاقاتهم في انهم يطوعو مية البحر و يتحكمو فيها بدل ما هى اللى متحكمة فيهم و بدأ إنشاء الحائط و نتيجة لأن الفيديوهات متبعترة كده وكلمة من الشرق و كلمة من الغرب معرفتش اظبط الموضوع بحيث يكون متناسق ومترتب بس اسيبكو مع الفيديوهات اللى بجد هتتمتعو بيها على الرغم من انها متعملهاش إخراج كويس  YouTube - megastructures: north sea wall part1 YouTube - megastructures: north sea wall part2 YouTube - megastructures: north sea wall part3 YouTube - megastructures: north sea wall part4 YouTube - megastructures: north sea wall part5 المصدر: منتدى المهندس كوم كلية الهندسة |
|
|
|
| مواقع النشر (المفضلة) |
| الكلمات الدلالية (Tags) |
| البحر؟غريبه, الهولنديين, تصد, تقدر, عملوها...بالفيديو, عملوهابالفيديو, كده..بس, كدهبس |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رنة رسائل غريبه ومضحكه جدا ومذهله الأروع لهذه اللحظه | قلب مات | منتدى عالم الجوال | 0 | 15-12-2010 07:32 |
| شاشة توقف ثلاثيه الابعاد غريبه ومخيفه | قلب مات | منتدى البرامج العام | 0 | 27-11-2010 05:22 |
| بالاعشاب تقدر تخس في اقل من اسبوع | ابناس فتحى | المنتدى العام - Public Forum | 0 | 03-07-2010 10:55 |
| تقدر تسيطر على القلق | mimo_rock_2006 | منتدى التطوير الذاتي - Self-development | 0 | 21-03-2009 03:24 |
| طريقه رسم غريبه شويه | mimo_rock_2006 | منتدى التصميم والجرافكس | 0 | 20-03-2009 12:23 |
