ارجوكم ياريت مهندس متخصص فى ميكانيكا السيارات يرد على مشكلتى ؟

HIDEN_NIGHT

أنا عاندى مشكلة فى عربيتى بقالها أكتر من سنة ونصف عربيتى نوعها فيات 131 موديل 1976 مشكلتى دى أحتار فيها كل الميكانيكة والكهربائية العربية عندى بتنتش وتقطع فى المشى بدوس على بدال البنزين احس انه مكتوم زى ما يكون فى حاجة خانقة البنزين مش بتوصل ولو وصل البنزين القيها تنتش وتقطع وتقوم فاصلة اجى ادور الاقيها تدور عادى جدا وكأن مفيش أى حاجة ادوس بنزنين وهيا دايرة زى الفل اجى امشى شوية وادى التانى والثالث تبتدى تنتش وتقطع وبدال البنزين يكتم روحت للميكانيكى قالى دورة الكهرباء غيرت طقم بوجيهات وكوندنسر وأبلاتين وجربت قطعت برده ونتنشت وهو هو العيب روحت تانى نضفت مواسير البنزين وبصيت على خراطيم البنزين كلها لقيتها سليمة وفكيت تنك البنزين ونظفته وحطيت فلتر عند التنك وفلتر عند عن الماتور قدام برده العيب هو1 هوا روحت تانى للميكانيكى قالى يبقى الكربراتير فكيته وخدته وروحت لورشة متخصصة فى الكربراتير غيرت فيه 2 باب وأكس ونظفته وبقى زى الفل ركبته وجربت العيب اختفى فترة وبعد كده رجع ظهر تانى الميكانيكى قالى يبقى مفيش غير حاجتين العيب ده ممكن يكون منهم طرمبة البنزين والبوبينه غيرت طرمبة البنزين وجربت قعد فترة مفيش حاجة وبعدها لقيت العيب ظهر تانى روحت غيرت البوبينه العجيب بقى انى بعد ما غيرتها مفيش اى حاجة حصلت ولسه من حوالى 10 ايام روحت بيها اسكندرية ورجعت فى نفس اليوم والعربية على سرعة 100 كيلو ومحصلش اى حاجة خالص ولا كأن فى عيب فحمدت ربنا ان العيب طلع من البوبينه لسه من يومين خرجت بيها لقيتها بتنتش وبتقطع وبدال النزين مكتوم زى ما يكون مخنوق سبتها شوية لمدة ساعتين بعد ما بردت دورت ورجعت كنت بيها فى المطار مشيت عادى جدا بس كنت ماشى بيها على سرعة 40 والغيار الثالث عشان كنت خايف لتعمل نفس العيب

ملحوظة:- انا بحط بنزين 90 مش 80 عشان ممكن يكون هو اللى بيعمل العيب وبركب انظف واغلى قطع غيار يعنى مخلتش حاجة معملتهاش المشكلة الاكبر بقى ان العيب ده ممكن يظهر على فترات يعنى اخرج بيها مرة ميحصلش حاجة اخرج بعدها يرجع تانى زى ما حصل بعد ما غيرت البوبينة انا غيرتها 1/9/2010 بوبينه المانى اسم النوع ( بوش ) سافرت اسكندرية بيها يوم 15/9/2010 محصلش اى حاجة وبعد كده رجع العيب تانى بصراحة انا احتارت ياريت مهندس متخصص يحاول يحل المشكلة اللى انا فيها دى انا هستنى تردوا عليا ياريت من فضلكم .

amnshsh

الله يكون فى عونك
مشكلة التنتيش دى 95% دى مشكلة كهرباء وباعتبار ان جميع التوصيلات الكهربية الى دورة الاشتعال سليمة
يعنى الفيوز مش بتعلق او اى راليه او غيره
يكون السبب الكوندنسر ثم الموبينة وانت غيرتها خلاص
بس فى حاجة ودى حصلت معى فى سيارتى غيرت اللكوندنسر والموبينة وبعد كام يوم وقف فى مكان مقطوع حاولت فيها وبالصدفة كان موجود الكوندنسر القديم ركبته تانى اشتغلت السيارة وهى زى الفل من 7 شهور
ولاتنس عند تركيب الابلاتين الضبط الجيد لفتحته
اتمنى تكون فى حاجة مفيدة فى السابق ذكره

ريـ الصالحين ـاض

بسم الله الرحمن الرحيم
مشكلة الفيت 31 الي بتنتش اليوم موجودة كتير السبب الابلتين والكندنسر رديئ الموجود في السوق مش زي الي كان موجود زمان في السوق
حل المشكلة هي :
موجود في السوق كويل ولوحة الكترونية بيسد عن الكويل واللبلتين والكندنسر جرب على هذه الجهاز فاذا زبطت بيكون المشكلة كهربة واذلم تعمل بيكون اطرمبة البنزين بتسخن غيرها بطرمبة كهرباء وانشاء الله المشكلة تنحل . بس دير بالك المتور في اثناء المشي تكون حرارته عدية اذا لا تفقد اذا كان في اي اشي يسبب الحرارة ( مثل الرديتر- طرمبة المية وامروحه او الترمستات )
ولك مني اجمل تحية
وشكرا